GITIMBAYA ni Coach Criztino Laurente si Reymart Gaballo human na depensahan niini ang iyang bakus batok kay Michael Bravo alang sa WBO Oriental Bantamweight Title niini.
Sumala kay Coach Laurente nga dili usab sayon nga pildihon ang nakalaban ni Gaballo gumikan lihukan kini nga boksidor unya abtik ug may kusog usab ang sumbag.
Gidugang ni Laurente nga dayag sa mata sa boxing fans nga adunay kakulangan usab sa jab ni Gaballo siguro sa kalihok sa iyang kaatbang mao nga wala niini gi usikan ang iyang jabs.
Apan usa nga makasiguro siya isip coach nga daghan ug natun-an si Gaballo sa mao nga away.
Samtang gisugyot usab ni Laurente sa Boxing Bodies sa nasud nga pahugtan pa ang siguridad sa mga boksidor luwas sa xray nga ginahimo matag renewal sa ilang lisensya matag bulan sa Enero gisugyot niini nga may xray usab bag-o sa away kay basin adunay damyos sa lawas human sa ilang sparring sessions.
Gisugyot kini ni Laurente gumikan sa nahitabo kay anhing Kenneth Egano nga taga Malungon, Sarangani Province. I Ver Diazon
