NASURPRISA ang mga mabdos nga inahan sa End Stunting Now Activity sa Brigada Gensan sa sulod sa Family Planning Unit sa Dr. Jorge P. Royeca Hospital Hunyo 21, 2023.
Sumala sa nakadaug sa raffle draw alang sa libre nga ultrasound nga si Ellen Tapis nga taga Barangay Olympog nga wala siya nagdahom sa iyang nadaugan.
Samtang pangandoy usab sa usa ka inahan nga mahimong pulis ang iyang anak nga gisabak kon makagawas na sa iyang tiyan.
Si Julian Abregue gikan sa Barangay Labangal ang nakadaug og usa ka libo ka pesos sa raffle draw.
Lima usab ka mga inahan ang nalingaw sa pagsayaw, gipaningot human sa ilang showdown kuyog si Brigada Jane Alido mao nga nakadawat sila og kwarta isip pahalipay.
Ang tanan usab nga anaa sa aktibidad ang nakadawat og infant kits, arrozcaldo ug tubig mainum.
Nagapasalamat usab ang kasamtangan nga station manager sa 89.5 Brigada News FM Gensan nga si Ernie Gabonada ngadto sa kanunay nga suporta sa management sa End Stunting Now Advocacy.
Gipaklaro niini nga duha ang dala sa activity una ang advocacy ikaduha ang pahalipay ngadto sa mga mabdos. I Ver Diazon
