Ginkumpirma it Panay Railways, Inc. (PRI) nga bukon it imposible ro pag-revive it Panay Railway System bisan pa nagakinahang-ean raya it mabahoe nga pondo.
Base sa taeatapan, ro $1.5 bilyon nga imprastraktura hay pwede mapatindog paagi sa public-private partnership scheme.
Ku kan-o eamang, ginpahayag ni Undersecretary Cesar Chavez it Department of Transportation (DOTr) nga uwa pa it mabue-an nga pondo para sa nasambitan nga proyekto ag uwa man it guidance halin sa DOF (Department of Finance) kung siin ibue-on ro budget.
Ro Panay Railway System hay maga-angot sa tanan nga mga probinsiya sa isla it Panay partikular eun ro Iloilo, Capiz, Aklan, ag Antique.
Base pa kay Pangulong Marcos, malinaw nga ro pagpatindog kara hay mabahoe nga potensyal para sa rehiyon bangud raya ro pinakabarato nga paagi it transportasyon para sa mga negosyo./JIL B. LACSON
