Gitambongan ni Presidential Assistant for Eastern Mindanao Leo Tereso Magno ang retirement honor ug testimonial dinner alang kang Police Lieutenant General Filmore Escobal sa Area Police Command for Eastern Mindanao (APC-EM).
Anaa sab mitambong sa kalihukan sila PLtGen. Michael John Dubria representing PNP chief PGen. Benjamin Acorda, APC-EM Deputy Director PMGen Harold Tuzon, Police Regional Office 11 director PBGen. Alden Delvo, kauban ang uban pang police officials sa rehiyon.
Gipasalamatan ni Magno si Escobal sa serbisyo niini sulod sa 32 ka katuigan isip police official.
Migradwar si Escobal sa Philippine Military Academy isip kabahin sa “Sambisig” Class of 1991.
Hangtod nga misaka ang iyang ranggo ug nagserbisyo’g pilaka tuig isip police official sa Davao City hangtod nga nahimong PRO 11 director.
Kanhi sab siya nga Deputy Director sa PNP Area Police Command – Eastern Mindanao ayha milingkod isip commander.