LEGAZPI CITY – Mas palalakasin pa ang pagpapaigting ng mga serbisyo ng mga response team sa lunsod ng Legazpi sa lalawigan ng Albay, ayon kay Public Safety Office (PSO).
Sa panayam ng Brigada News FM Legazpi sa head ng naturang opisina na si Rolly Esguerra, dahilan ng pagpapaigting ay ang pagdami ng mga taong pumupunta lunsod, lalo na’t unti-unti nang nakakaahon mula sa pandemya.
Aniya, kinakailangan talaga ang serbisyo-publiko dahil bumabalik na ang face-to-face na klase sa mga paaralan maging sa mga opisina, kung kaya inaasahan na dahil dito ay maraming mangangailangan ng gayong serbisyo.
Samantala, inihayag naman ni Esguerra na walang pagbabago mula noong nakaraang administrasyon hanggang sa kasalukuyan lalo na pagdating sa mga serbisyo-publiko dahil ito ang pinaka-mas pinag-iigting sa ngayon.
