Binigyang-diin ng Department of Environment and Natural Resources na ang temporary closure order na inisyu laban sa Captain’s Peak Garden and Resort ay noon pang September 6, 2023; habang ang Notice of Violation naman ay inilabas noong January 22, 2024 matapos mag-operate nang walang environmental compliance certificate ang nasabing resort.
Sa pahayag ng DENR, sinabi nito na ang Chocolate Hills ay idineklarang protected area para mapanatili ang iconic landscape, at mai-promote ang turismo sa lugar.
Ngayong araw, nag-isyu na rin ng memorandum se Executive Director Paquito Melicor na nag-uuto kay PENRO Bohol Ariel Rica na magsagawa ng inspeksyon sa nasabing resort.
Mababatid na lumitaw ang balita matapos magpahayag ng pagkabahala ng social media users sa epekto ng resort sa natural na kalagayan ng Chocolate hills.
