Sa handum nga mapa-improba ro kalidad it pagpangabuhi it mga Lolo ag Lola, ginrekomenda it Sangguniang Bayan it Kalibo nga makatao it Cash Assistance bilang dugang nga benepisyo sa mga Non Centenarians ag Centenarians nga mga Senior Citizens nga nagaistar sa banwa it Kalibo.
Ginhayag ni SB Member Augusto Tolentino, nga para malikawan it mga Senior Citizens ro pilang mga sakit kaparehu it Depression ag Dementia, kinhangean nga may kalidad ro andang pagpangabuhi.
Bangud kara, ro posibleng maibulig it LGU Kalibo hay ro pagtao it Cash Assistance bilang dugang nga benepisyo. // ANN DESLENE SALAZAR
