Isang resolusyon ang inihain sa Senado na naglalayong i-revive ang oversight committee na susubaybay sa intelligence at confidential funds ng iba’t ibang tanggapan sa pamahalaan.
Ang oversight panel ay bubuuin ng Senate president, tatlong miyembro mula sa majority bloc, at isa mula sa minority bloc.
Ang panukalang Senate Resolution No. 302 ay inihain ni Senate President Juan Miguel Zubiri sa gitna ng plenary debates sa kamara patungkol sa 2023 national budget kung saan P9.3 bilyon ang inilaan para sa confidential and intelligence funds (CIFs)–Php4.3 million bilang confidential funds at Php4.9 million bilang intelligence fund.
Ayon sa senador, hindi ito ang unang pagkakataon na maitatag ang oversight panel dahil ito ay nakapag convene na mula pa noong 10th Congress.
Nilikha ng Senado ang oversight committee noong May 2017 kung saan itinalaga si dating senador Gregorio Honasan bilang chairman ng panel. //MHEL PACIA
