Welcome para kay Justice Secretary Jesus Crispin C. Remulla ang pagkakaabsuwelto ni detained former senator Leila M. de Lima kaugnay sa illegal drugs charge.
Ayon kay Remulla, umiral ang rule of law at naigiit na ang independence ng hudikatura ay basic foundation ng democratic system, kasunod ng desisyon ng Muntinlupa City regional trial court (RTC).
Mababatid na maliban kay De Lima, inabsuwelto rin ni RTC Judge Abraham Joseph B. Alcantara ang dating driver at bodyguard ng senadora na si Ronnie P. Dayan.
Samantala, sa ngayon, isa nalang ang kaso ni De Lima, pero naghain na ito ng motion to post bail, na pending ngayon sa resolusyon ng trial court. //MHEL PACIA
