WALA pa hingpit nga napatuman sa GenSan ang rekisitos sa Korte Suprema sa pagpasuot og body cameras sa operasyon sa kapulisan. Matud ni Atty. Clemencia Dinopol- Cataluña, Chief sa Office of the Prosecutors nakigpulong na sila sa mga pulis aron matudloan ang mga nasangpit sa alternatibong gamiton aron makahimo sa mga operasyon.
Una nang, giangkon ni PLt. Clarizel Perez, tigpamaba sa GenSan City Police Office (GSPO) nga depektibo ang system sa body worn cameras nga gipadala kanila gikan sa Kampo Krame. Gipauli na sumala pa nila kini ug kasamtangan migamit na og alternatibong devices ang mga pulis alang sa mga operasyon. Una nang, gibutyag sa korte nga tumong sa mando ang masigurong maprotektahan ang katungod sa katawhan.
Hunyo 29 ning tuiga, gipagula sa korte ang mandu sa paggamit sa body-worn cameras sa operasyon sama sa pagpatuman og warrant of arrest ug search warrant. ( Richel Gubalani)
