Posibleng masugdan na sa ulahing kwarter ning tuiga o unang kwarter sa 2022 ang ipahigayong rehabilitasyon sa Queen Tuna Park.
Matud ni Architect Michael Ang, mukabat sa P21 million ang gitagana nga pondo alang sa unang phase samtang ginahan-ay pa ang legalidad sa bounderies aron masayran kung asa kutob ang gipanag-iyahan sa siudad.
Nasayran nga bag-o lang nahuman ang master plan niini ug gibutyag ni Ang nga hilabihan kanindot og sigurado nga dagsaon sa mga tawo ang Queen Tuna Park ugaling subling ablihan sa publiko.
Subay sa plano, magbutang ug parke, open theater, sunken garden sama sa UP kung asa mamahimong open auditorium, may sunset viewing areas samtang imintina ang beach front og butangan ug mas daghan pang punuan sa kahoy. Sa pamahayag ni Architect Ang, posibleng tulo hangtod upat ka ‘phases’ ang maong rehabilitasyon una mahuman, hinuon walay timeline nga gihisgotan tungod magdepende sa musunod nga pondo.
