Gin eubong eon ro Time Capsule nga indikasyon it pagpanami ag rehabilitasyon it Kalibo Pastrana Playground sa pagpanguna ni Kalibo Mayor Juris Bautista Sucro.
Base sa pahayag it alkalde, ro plaza hay saeaming it Kalibo sa mga nagabisita nga turista.
Ginpahayag pa it alkalde nga kinhangean nga ayuson it mayad ro plaza ag ro tanan nga pasilidad bangud naga pahaum eon ro Kalibo nga mangin sangka syudad.
Ginpasaeamatan man ni Mayor Sucro si Representative Jojo Ang it Uswag Ilonggo Partylist nga nagtao it pondo para sa rehabilitasyon it playground. // ANN DESLENE SALAZAR
