Gipahibawo sa Visayas Vaccination Operations Center nga 85% sa mga namatay sa Covid-19 sa mga pribandong ospital sa Sugbo ang wala nabakunahi batok sa Covid-19.
Base sa datus, sa 296 ka mga namaaty sa pribadong ospital gikan Agosto 1 ngadto sa 21, anaa lang sa 31 ang mga fully vaccinated, 250 ang wala nabakunahi ug 15 ang nakadawat sa first dose.
Gibutyag ni Dr. Mary Jean Loreche, ang tigpamaba sa Visayas Vaccination Operations Center nga ang mga namatay, natala sa level 2 ug 3 private hospitals saMetro Cebu, apan ang mga pasyente gikan sa nagkadaiyang bahin sa Probinsya sa Sugbo.
Gi-klaro ni Loreche nga ang mga fully vaccinated individual mamahimo gihapong mamatay tungod sa Covid-19, apan ang ilang pagkamatay posibleng tungod sa daghang mga rason.
Bisan paman niini, padayon gihapon niyang giawhag ang publiko nga magpabakuna na batok sa covid-19.
