Nadugangan ug 19 ka bag-ong kaso sa delta variant sa Covid-19 ang Central Visayas.
Hinuon, wala pa gibutyag sa Department of Health kung diin gikan ang 19 ka mga bag-ong kaso sa maong mas makatakod nga klasi sa virus.
Tungod sa nadugang nga bag-ong kaso, misaka na sa 55 ang kinatibuk-ang ihap sa Delta variant sa Rehiyon.
Sa pagkakaron, gisusi pa sa DOH-7 ang status sa 19 ka mga bag-ong infected sa delta variant.
Kahinumduman nga sa unang mga kaso sa delta variant gibutyag ni DOH-7 chief pathologist, Dr. Mary Jean Loreche, nga ang Lapu-lapu aduna nay 23 ka mga kaso, unom sa Cebu City, tulo sa Mandaue ug tag duha sa Samboan ug Cordova.///
