NAGPABILIN nga siyam ang kaso sa COVID-19 Delta variant sa region-12.
Kini ang gibutyag ni Arjohn Gangoso, tigpamaba sa Department of Health kun DOH-12 luyo nga sa miaging semana, mitala sa 11.
Segun niini nga human sa dugang validation ug imbestigasyon, migawas nga na-tag lang sa region-12 ang duha ka Delta variant luyo nga wala sila dire ning panahuna apan ang permanent address ang nagamit sa DOH.
Alayun niini, gina-awhag ni Gangoso ang publiko nga mahimong responsable sa pagtuman sa minimum health standard batok COVID-19 tungod padayun ang pagtaas sa kaso sa COVID-19 ug may mga variants pa sa virus.
Gawas sa husto nga pagsuot sa face mask, faceshield, pagsunod sa social distancing ug kanunayng paghugas og kamot, angayang magpabakuna kung schedule na sa bakuna.
Gitino usab niini, bisan bakunado na, kinahanglan gihapon nga musunod sa minimum public health standard.
