GIBUTYAG ni Arjohn Gangoso, tigpamaba sa Department of Health kun DOH-12 nga as of September 1, mitala na sa 365,628 ka tawo sa region-12 ang fully vaccinated batok COVID-19.
Samtang gibutyag niini nga nagsugod na ang pagpabakuna sa priority group A4 kun mga frontline workers sa essential sector.
Una na nga nakapahigayon ang GenSan sa pagpabakuna sa frontline workers apan gibutyag ni Gangoso nga regionwide na ang pagpabakuna sa A4.
Apan gitino niini nga tungod limitado pa ang bakuna, ang mga priority sa pagkakaron nga bakunahan sa A4 kadtong nag-edad og 40 hangtud 59-anyos ug sunod na ang 18 hangtud 39-anyos.
Apan dugang ni Gangoso nga kinahanglan ang magpalista una aron nga ma-schedule sa pagpabakuna aron mamintina gihapon ang public health standard sa vaccination site.
Samtang dugang niini nga nagpadayun pa gihapon ang pagpabakuna sa mga anaa sa A1 hangtud A3.
Photo file: Rommel Rebollido
