GIANGKON nga daghan og hagit nga giatubang sa Philippine Red Cross Sarangani- Gensan aron makatigom og daghang supply sa dugo, asoy ni Merly Gludo, administrator sa PRC Sargen.
Kulang ang supply sa dugo ning higayona nga misamot pa kanihit sa kasamtangan karong sitwasyon nga nakasinati og pandemya gumikan limitado ang ginapahigayon nilang blood donations ilabina nga ginalikayan ang panagtapok.
Usa pa sa mga hagit nga giatubang ning panahona nga ang mga fully vaccinated batok sa COVID 19 ang makadonate og dugo human pa sa 28 ka adlaw.
Dugang ni Gludo nga kada adlaw 50 ka bags sa dugo ang ilang ma-release sa mga nangihanglan. Nanawagan si Gludo sa tanang mga adunay himsog nga panglawas og kwalipikadong mag-donate og dugo. Sa mga buot nga mahimong blood donor pwede moadto sa buhatan sa Red Cross sa City hall compound. ( Richel Gubalani)
