Arestado ng pinagsamang puwersa ng Juban MPS, RIU-PIT ng SPPO at ng 92 SAC ng 9SAB, SAF ang No. 9 regional most wanted person ng PRO5 sa bayan ng Juban, Sorsogon.
Hinainan ng warrant of arrest sa Brgy Rangas ng nasabing bayan si Wilson Milanes Bellen, 68-anyos, Karpentero, may kinakasama at naninirahan sa nasabing bayan.
Si Bellen ay nahaharap sa multiple sex crimes kabilang ang Acts of Lasciviousness na may itinakdang piyansa na P108K; 2 counts of rape na walang itinakdang piyansa at isa pang kasong rape na may itinakdang piyansa na P200K.
Ang akusado ay nasa kustudiya na ng Juban MPS matapos na maaresto, dakong alas 7:00 ng umaga kahapon, Hulyo 14 ng kasalukuyang taon.
