LEGAZPI CITY – Inaresto ng mga otoridad ang 40 anyos na lalaki sa Purok 6, Brgy. San Agustin, Libon, Albay dahil sa kasong rape by sexual assault na may kinalaman sa child abuse.
Kinilala ang suspek na si alyas “Boyet” na mula sa Polangui, Albay.
Nadakip ang suspek sa bisa ng warrant of arrest para sa nabanggit na kaso.
Wala namang inirekomendang piyansa ang korte para sa kanyang pansamantalang kalayaan.
Samantala, napag-alaman din na ang suspek ay ang tinaguriang Rank No. 3 Municipal Most Wanted Person ng Polangui.
Ang suspek ay dinala sa himpilan ng pulisya para sa kaukulang disposisyon.
