Nangunguna pa rin ang broadcast journalist na si Raffy Tulfo sa survey ng Pulse Asia para sa senatorial race sa 2022 elections.
Naitala ni Tulfo ang 66.9% na rating sa survey na isinagawa noong Pebrero.
Sumunod naman kay Tulfo si Antique Representative Loren Legarda na may 58.9%, dating Public Works and Highways Secretary Mark Villar na may 56.2%, Taguig Representative Alan Peter Cayetano na may 55%, Senator Miguel Zubiri na may 50.5%, at Sorsogon Governor Francis Escudero na may 49.8%.
Kabilang rin sa senatorial aspirants na nagtala ng mataas na score ay ang aktor na si Robin Padilla na may 47.3%, dating Vice President Jejomar Binay na may 45.6%, Senator Sherwin Gatchalian na may 44.6%, Senator Joel Villanueva na may 42.0%, dating Senator Jinggoy Estrada na may 38.6% at dating Quezon City Mayor Herbert Bautista na may 32.8%.
Sumunod kay Bautista sina Senator Risa Hontiveros at ang dating mambabatas na si JV Ejercito na may ratings na 32.3% at 31.6%.
Isinagawa ang survey mula February 18-22 gamit ang face-to-face interviews ng 2,400 na representative adults na pawang mga registered voters.
