Napanatili ni dating senador Ferdinand “Bongbong” Marcos Jr. ang kaniyang malaking lead mula sa kaniyang mga kapwa presidential aspirants sa pre-election poll na inilabas ng Pulse Asia nitong Lunes.
Sa ikalawang sunod na pagkakataon ay nagtala si Marcos ng 60% sa survey na ginawa mula February 18-23.
Makikita naman na malayo ang agwat nito sa 15% na naitala ni Vice President Leni Robredo na nasa ikalawang pwesto.
Nasa ikatlong pwesto naman si Manila Mayor Isko Moreno na may 10% na sinundan nina Senator Manny Pacquiao na nasa ikaapat na pwesto na may 8% at Senator Panfilo Lacson na may 2%.
Umiskor naman ng 0.4% o mas mababa pa ang iba pang presidential aspirants kabilang na sina Faisal Mangondato, Leody de Guzman, Jose Montemayor, Jr., Ernesto Abella at Norberto Gonzales.
Samantala, nasa 4% naman ang undecided.
