ILOILO, CITY — Inako makarun ni dating Miss Universe Philippines Rabiya Mateo nga ro pinakamasakit nga kataga nga anang nabatian halin sa bashers hay ro hambaean imaw nga kabit rasun nga nabuoe kara ro korona it pagiging Miss Universe Philippines 2020.
Suno sa biracial beauty ag native it Balasan, Iloilo, kat mag intra imaw sa nasambit nga beauty pageant, isaea imaw ka probinsyana nga bukon it masyadong kilaea.
Bukon segun it makatarungan sa anang parte nga tawgon imaw nga kabit eabi pa ag kung ano man ro anang mga naabot makarun hay bangud ginpangabudlayan nana raya it husto.
Matandaan nga nabuoe ni Rabiya ro korona it Miss Universe Philippines ku October 2020, ag napabahin pa raya sa Top 21 sa 69th Miss Universe pageant ku Mayo. / ANN DESLENE SALAZAR
