Bukas ang pintuan ng Pilipinas para sa mga Afghan at Rohingya refugees.
Ito ang binigyan-diin ni Pangulong Rodrigo Duterte sa kanyang virtual speech sa 76th United Nations-General Assembly.
Ayon sa Pangulo inatasan niya ang Department of Justice na makipag-ugnayan sa United Nations High Commissioner for Refugees ihanda ang bansa sa bilang ng mga refugees na kayang kupkupin ng Pilipinas.
“For the Rohingyas, I have instructed our Department of Justice to work closely with the UN High Commissioner on Refugees to prepare a cooperation program for a specific number of Rohingyas, consistent with our capacities,” bahagi ng talumpati ng pangulo.
Aminado ang Punong ehekutibo na limitado lamang ang resources ng bansa ngayong panahon subalit kung para umano sa kapakanan ng sangkatauhan at pagtaas sa dignidad ng tao ay gagawin ito ng Pilipinas.
“The Philippines has limited resources during these extraordinary times. But what we can do for humanity and to uplift human dignity, we will,” dagdag pa ng pangulo.
