Arestado ang isang lalaking umano’y Provincial Level Most Wanted Person matapos ang ikinasang operasyon ng mga awtoridad sa Burnham-Legarda, Baguio City nitong Lunes, Enero 22.
Sa pagtutulungan ng Lucena at Baguio City Police Station katuwang ang iba pang pwersa, nadakip ang akusado na kinilalang si alyas “Sambitory”, 46-anyos.
Si alyas Sambitory ay may kinakaharap na kasong Roberry sa ilalim ng criminal case number 2023-2243 at may inirerekomendang piyansa na nagkakahalagang ₱100,000.
Samantala, kasalukuyan ng nasa kustodiya ng awtoridad ang akusado para sa kaukulang dokumentasyon at disposisyon.
