LEGAZPI CITU – Tinawan doon kan Land Transportation, Franchising and Regulatory Board Bicol idadagos man giraray an pagpautob nin Public Utility Vehicle Modernization Program sa nasyon base sa kasuguan ni Department of Transportation Undersecretary Andy Ortega dawa igwa ki pigbubusol na resolusyong suspensyon sa programa an nagkapirang mga senador.
Segun kay LTFRB Bicol Regional Director Joel Defeo, haros nasa 90% na sa rehiyon an nag-consolidate o nagsimbag sa programa kan ahensya kun saen haros mapitong taon naman ining ginigibo na pinunan kan dating administrasyong Duterte.
Sinabi pa ni Defeo, kun hihilingon, haros 20% sana an nagriribok sa nasyon na dae nagsunod sa programa kumpara sa nagsunod sa PUVMP na kadakol na.
Bako na su boot bago sa mga senador an pagpautob kan programa huli ta yaon na sinda kan ini nagpupuon.
