Ginsaysay ni Punong Barangay Analita Daulo sang Brgy. Tugas, Mambusao, Capiz ang madasig nga pataas sa lebel sang tubig sa ila banwa matapos ang wala untat nga pag-ulan sang nakaligad nga mga inadlaw.
Suno sa opisyal, hapon sang lunes nga adlaw madasig nga nagtaas ang tubig baha rason nga ginapakamaayo sini nga untaton na ang pagtabok sang mga salakyan bangud indi na maagyan ang dalan.
Kada tuig nila na-eksperyensyahan ang amo nga hitabo kag masami nga lubog sa tubig baha ang bilog nga barangay.
Gindugang pa ni Dauyon, may mga namonitor naman sila nga pamilya nga nag-evacuate sa eskwelahan, kag sa kapilya.
Panugyan pa sang opisyal sa iya nasakupan, maghalong kag magpreparar sa tanan nga oras sa posible mangin epekto sang pagbaha. | KMD Gicalde
