Mainit nga gin-abi abi sang Capiz Provincial Government pinaagi sa opening ceremony ang mga auditor’s sang International Standard Organization (ISO) para sa certification assessment kag accreditation sang probinsya.
Sa interview sang Brigada News FM kay Provincial Information Officer Atty. Luvim Amores, ginpahayag sini nga katuyuan sang nasambit nga accreditation agud ma-improbar kag mangin standard ang mga serbisyo nga ginatan-ay sang gobyerno probinsyal.
Suno pa kay Amores, kabahin sa mga preparasyon nga gin-ubra sang probinsya amo ang pagkay-o sang mga procedure sa tanan nga talatapan, lakip na ang pagpaayo sang mga structures kag buildings, pagpahamtang sang mga feeding stations, kag ang klaro kag matinlo nga mga sinages nga madali makit-an sang tanan.
Dugang pa sang opisyal, ginalantaw man nga pinaagi sa ISO Accreditation mangin efficient kag effective ang tanan agud mangin productive ang empleyado kag nakabalo sang procedure kun may magpalapit sa ila opisina. | KMD Gicalde
