Nagreklamo ro sambilog ka eaeaki nga ginkilaea eamang bilang alyas “Nonoy” matapos segun nga ginbayo imaw it sambilog ka pulis sa namatyan sa Barotac Viejo ku Setyembre 19.
Base sa pahayag it nagreklamo, naga-sugae segun imaw kat nag-abot si Patrolman Recie Marquez ag nag-intra sa hampang.
Nag-umpisa ro indi nanda pagkaintindihanay kat uwa nakuntento si Patrolman Marquez sa gin-limit nga tayaan ni Nonoy.
Idto eun ginbayo it pulis si Nonoy ag ginkumbinse pa ro ibang mga tawo nga kastiguhon raya. Ginbuoe man it mga nagkastigo ro P55,000 nga cash money it biktima.
Ginreklamo eun ni Nonoy sa NAPOLCOM 6 si Patrolman Recie Marquez./JIL B. LACSON
