Aksidenteng na-unay sa iyang armas ang usa ka pulis nga igo lamang sumala pang nanghinlo sa iyang pistola, alas-12:55 sa kadlawon, Enero 1, 2024 sa Zapanta Subdivision, Barangay Mabuhay, Bansalan, Davao del Sur .
Sa imbestigasyon sa Bansalan Munisipal Police Station, gisaysay sa inahan ni Patrolman Jhaniel Salip Pepito, 27, ulitawo, nga residente sa nasangpit nga lugar ug nadestino sa 2nd Davao del Sur Police Mobile Force Company (DSPMFC), iyang nakita ang iyang anak nga nanghinlo sa gi-isyu niini nga armas sulod sa iyang kwarto.
Pipila ka minuto ang milabay, mao na lamang ang iyang nadunggan ang buto sa armas ug sa iyang pagsuta, naligo na sa kaugalingong dugo ang biktima.
Gisulayan pa sa pagdala ang biktima sa MABAMA hospital alang sa medikasyon apan gideklara kining dead on arrival.
Padayon hinoon ang imbestigasyon sa kapulisan kalabotan sa nahitabong insedente.
