Preso ro sambilog ka pulis matapos ginreklamo it barangay captain sa pag-carnap segun it anang motorsiklo sa Pototan, Iloilo.
Base sa imbestigasyon it Pototan Police Station, ginkilaea ro persona nga si Police Corporal Darryl Dumaraog, assigned sa Regional Mobile Force Battalion nga naka-base sa Calinog, Iloilo.
Base sa pahayag it mga kapulisan, gin-aywanan ni Punong Barangay Nicky Pescuela, 39, residente it Lopez Jaena Ward, Pototan ro anang motorsiklo sa sambilog ka plaza para kunta mag-jogging.
kat pauli eun ro kapitan, nakita eun eamang nana nga may nagamaneho eun it anang motorsiklo.
Insigida man nga nakipag-angot ro biktima sa mga otoridad ag naghimo it follow-up operation ro Pototan police station angot dikara.
Nadakop man it Pototan police si Dumaraog ag presente nga sa kustodiya eun it mga otoridad ag nagahueat eun eamang it kaso nga ipasaka kuntra kana./JIL B. LACSON
