Masobra sa 50 ka mga tiyo it Olive Ridley sea turtle ro nakit an ni Ms. Evangelyn M. Soylon maeapit sa baybayon it Brgy. Navitas, Numancia, Aklan kahapon it agahun.
Insigida segun imaw nga nag imporma kay Barangay Kagawad Jomar Maang, ag gin umpisahan nanda ro pagkutkot sa pugad ag nakita pa nanda ro 15 ka dugang nga hatchlings.
Naga abot sa 80 ro napusa nga itlog sa nasambit nga pugad it mga sea turtle.
Insigida man nga gin-impormahan ro Office of Municipal Environmental and Natural Resources Office (MENRO).
Samtang, kapin sa 15 hatchlings ro ginbuhian sa baybayon. // ANN DESLENE SALAZAR
