Nilinaw ng Department of Health (DOH) na hindi pa rin napapanahon magpatupad ng lockdown at mandatory wearing ng face mask.
Sa gitna ito ng panibagong variant ng COVID-19 na XEC na na-detect ngayon sa Germany.
Sa panayam ng Brigada NewsFM Manila kay DOH spokesperson Asec. Albert Domingo – nilinaw nitong hindi ito ‘sing bagsik ng mga unang variants ng COVID-19 sa unang wave nito.
Bagamat hindi nila isinasantabi ang posibilidad na posibleng may nakapasok nang XEC sa bansa – sinabi ni Domingo na paghuhugas pa rin ng kamay ang pinakamabisang paraan para labanan ito.
Sa ngayon, nananatili pa ring mababa ang active cases ng COVID-19 sa bansa.
Sa katunayan, sa mga nagdaang araw – tanging 16 cases a day na lamang ang kanilang naitatala.
