Tiniyak ng Commission on Elections na nailapit na nila sa National Bureau of Investigation (NBI) ang isyu tungkol sa mga sindikatong umiikot ng bansa upang mag-alok ng pagmamaniubra sa resulta ng halalan.
Sa isang forum, idiniin ni COMELEC chairperson George Garcia na imposibleng ma-manipulate ang botohan.
Aniya, mayroon daw kasing nag-aalok na babaguhin ang poll results dahil kakilala raw nila ang poll body chairman, ‘o ‘di kaya nama’y may kakilala sa Miru systems.
Dahil dito – umapela siya sa mga kandidato na ‘wag magpapaloko sa mga ganitong modus.
Maari rin umanong maharap sa kasong estafa ang sinumang mapapatunayang sangkot dito.
