Lalo pang pinag-iingat ng Department of Health Region 2 ang publiko mula sa banta sa COVID-19 ngayong papalapit na ang holiday season.
Ayon sa ahensya, marahil ay nababalitaan na ng mga mamamayan ang pagbaba ng mga kaso subalit hindi pa umano ito ang panahon para magpakampante.
Mariing ipinaalala ng kagawaran na dapat lalo pang mag-ingat dahil sa inaasahang ‘increased mibility’ ng tao ngayong nalalapit na holiday season.
Patuloy din ang panawagan ng DOH sa lahat na sumunod pa rin sa umiiral na minimum public health standards upang maipag-patuloy ang pagbaba pa ng mga tinatamaan ng corona virus.
