Pinaalalahan ng isang doktor ang publiko na maging maingat sa pagbibigay ng mga impormasyon tungkol sa bakuna kontra covid-19.
Ito ay para maiwasan ang mga maling impormasyon na nagiging dahilan para matakot ang iba na magpabakuna.
Ayon kay Dra. Armida Ocampo, isang Pulmonologist at Critical Care Specialist, may ilan kasi na bago pa magpabakuna ay nagkaroon pala ng exposure sa ibang tao.
Pagkatapos kapag nakaramdam ng ibang sakit ay isisisi sa bakuna samantalang bago pa bakunahan ay may exposure na sa iba o kaya talagang may nararamdaman na.
Dahil dito, panawagan ni Dra. Ocampo na maging maingat sa pagkukwento o pagbibigay ng maling impormasyon dahil nagiging dahilan ito para matakot ang iba na magpabakuna kontra corona virus disease.
