NAGSUGOD na ang pagdawat og individual applications alang sa franchise sa trisikel ang Public Safety Office sa GenSan.
Kini segun kang Kagawad Dominador Lagare Jr., Chairperson sa Committee on Transportation sa SP-GenSan, human gitugutan ang indibidwal nga mag-aplay og prangkisa tungod dili na mandatory ang magpamiyembro kooperatiba aron maka-franchise.
Apan gitino ni Lagare nga daghang requirements ang kinahanglang i-comply sa pag-aplay og prangkisa.
Gikan sa Public Safety Office ipadangat sa MTRFB ang application sa individual ug dayun i-recommend ngadto sa Sangguniang Panlungsod aron sila ang mopasa og resolusyon.
Apan sa bahin ni Lagare, wala niya gina-encourage ang individual nga pag-file og application for franchise tungod nasayod kining mobalik ra gihapon sa gubot ang transportasyon sama karon.
