GIBUTYAG ni Kagawad Dominador Lagare Jr. nga wala pay nadawat nga summon si Mayor Lorelie Pacquiao sa kasong kalapasan sa Graft and Corrupt Practices Act.
Kini may kalabutan sa giduso nga kaso sa duha ka driver inabagan ni
Atty. Emmanuel Fontanilla tungod sa problema sa kolurom nga trisikel.
Gihingusgan ni Lagare nga katungod nila ni Fontanilla nga muduso og kaso apan dili matud pa mabasol si Mayor Pacquiao tungod sobra pa lang upat ka bulan kini sa posisyon.
Dugang sa konsehal ang problema sa transportasyon ang dugay na ug dili usab masulti nga wala silay ginahimong lakang aron kini sulbaron.
Nagtuo si Lagare nga may vested interest ang miduso sa kaso ug andam matud pa kining tubagon ngadto sa Ombudsman.
Gituohan usab ni Lagare nga dili molampos ang kaso tungod ‘baseless and unfounded’ ug sukad pa niadtong 2018 ginahisgutan ang problema sa transportasyon ug wala nagapasagad ang mga opisyal kalabot niini.
