Nagmalampusong gipahigayon gahapong adlawa ang gihimong panagtigom nga Public Hearing diha sa may Trento National High School Covert court nga gitambungan sa mga negosyante sa lungsod sa Trento, Sangguniang Bayan Members ingon man ang presensya ni Municipal Mayor William Calvez ug Municipal Vice Mayor Felimon Marte diin gipang hisgutan ang kalabot na sa balaod gikan sa 2007 Code of Economic Enterprise.
Kahinumduman nga gi-angkon sa buhatan sa Municipal Economic Enterprise & Development Office pinaagi ni Lalainie Lacro Fanuga ang labaw sa maong buhatan nga duna matud pay kakulangon nga ilang nakita sa mga pamaagi ug balaod gikan sa 2007 code of Economic Enterprise diin ang balaod nga ilang gipatuman sa kasamtangan dunay kalabutan sa mga obligasyon sa mga negosyante ning lungsod sa Trento.
Tumong ug dakong tinguha sa gihimong panag tigum ang pag tubag sa ordinansa 2007 code of Economic Enterprise pasabot niini nga posibleng dunay mamahimong kabag-ohan nga ipatuman sa matag negosyante ning lungsod sa Trento alang usab sa pagpalambo sa komunidad.
