Ginsulod sang wala matumod nga kawatan ang isa ka classroom sang pampubliko nga eskwelahan sa Pob. Norte, Ivisan, Capiz.
Ginkilala ang mga manunudlo nga nabiktima nga sanday Shimie Grace De Juan Duron, 29-anyos residente sang Brgy. Malocloc Norte kag Aikish Omaga Galindo, 37-anyos kag residente sang Brgy. Agmalobo sa nasambit nga banwa.
Sandig sa imbestigasyon sang Ivisan Municipal Police Station, nag-agi ang kawatan sa bintana sang classroom matapos ginpangkakas ang jealousy glass.
Natigayon nga mataban sang suspek ukon mga suspetsado ang duha ka extension cord, butane gas stove, 8 pcs. Refilled butane gas can, kutsilyo, Bluetooth speaker, 3 pcs. DepEd Radio, electric fan, t-shirt, stapler, sapatos, kag mga personal belongings nga nagabalor tanan sang P11,000.
Sa karon, padayon pa ang imbestigasyon sang SOCO agud matumod ang yara sa likod sang nasambit nga krimen. | Judy Ann Juare
