Nakataeana nga magpatigayun ro Regional Tripartite Wages and Productivity Board (RTWPB) – Western Visayas it serye it public consultation para matumod kung may basehan ro pag-apruba it petition sa dugang nga sweldu sa pribadong sector sa Western Visayas.
Base sa pamunuan it Department of Labor and Employment (DOLE) 6, igapatigayun ro unang public consultation sa July 5 para sa stakeholders, labor groups, employees ag employer it syudad ag probinsya it Iloilo kaeakip eon ro Guimaras.
Tinutuyo it public consultations nga mapamatian ag mabuoe ro reaksyon it stakeholders sa daywa ka magka separar nga petition nga nai-file it United Labor-Western Visayas ag Iloilo Pepsi Cola Workers Independent Union.
Ginaduso it mga labor group ro P100 increase sa daily minimum wage sa private workers sa Western Visayas. // ANN DESLENE SALAZAR
