Nagasalig ro Bureau of Fire Protection (BFP-Malay) nga ikonsidera it LGU Malay nga bumakae it bag ong fire truck para maserbisyuhan ro komunidad ag mga bombero nga magaresponde sa sunog.
Ro BFP hay may tatlong fire engines ag 27 personnel sa mainland Malay ag isla it Boracay.
May daywa man nga engine sa BFP Boracay substation sa Sitio Bantud sa Barangay Manocmanoc.
Suno kay Malay Municipal Fire Marshall Senior Inspector Arnold Dimaano, ro isla hay nagakinhangean it bag ong fire truck ag engine para sa mga frontline firefighters nga makaresponde it madasig ag salbar sa mga residente, eabi eon sa mga mataas nga building.
Gin engganyo man ro lokal nga gobyerno it Malay nga mag invest para sa public safety it Boracay. // ANN DESLENE SALAZAR
