NAGA CITY- Isinasapinal na ang psychiatric at psychological exam para sa mga miyembro ng Philippine National Police.
Ito ang inihayag ni PNP Chief General Guillermo Eleazar matapos na masangkot ang ilang PNP personnel sa pambabaril at pagpatay sa ilang bahagi ng bansa.
Ang hakbang na ito ay pinaburan ng Naga City Police Office upang matulungan ang mga may mental health issues o may mga ginagawang mali sa organisasyon.
Sa panayam ng Brigada News FM Naga kay PSMS Tobi Bongon, tagapagsalita ng NCPO sinabi nito na kahit sana bawat dalawang taon dahil hindi rin madali ang proseso nito.
Malaking tulong aniya hakbang upang maging tuwid ang galaw ng mga kabaro.
