LEGAZPI CITY – Pigkondusir kan Albay Provincial Social Welfare and Development Office (PSWDO) an Convergence Caravan – ALBAYanihan kasusaro sa Albay Astrodome.
An ALBAYanihan, nagmamawot na makatabang na mabawasan an mga pobreng Albayano sa paagi kan agrikultura asin magkaigwa nin oportunidad sa negosyo.
Saro ini sa mga programa na pinangenotan kan gobyerno-probinsyal sa tabang kan PSWDO asin kan manlain-lain na mga ahensya nganing makapagtao nin serbisyo.
An caravan, pinagpartesiparan kan manlain-lain na mga opisina de gobyerno, non-government organizations (NGOs), non-profit organizations asin iba pang katabang na mga ahensya na nag-eenganyar nin serbisyong pansosyedad, mga serbisyo sa pagtatrabaho, social security, information drive asin iba pa.
