Inaprubahan ng Philippine Sports Commission (PSC) ang P1.25 million na halaga ng incentives para sa mga miyembro ng Philippine national women’s football team, kasunod ng kanilang pagkakapasok para sa 2023 FIFA Women’s World Cup.
Ang bawat miyembro ng 23-player team, kabilang na ang dalawang reserves, ay makakatanggap ng P50,000, bilang pagkilala rin sa kanilang semifinals appearance sa 2022 AFC Women’s Asian Cup.
Ang national women’s squad, ay pasok sa Women’s World Cup, matapos talunin ang Chinese Taipei sa quarterfinals ng AFC Women’s Asian Cup.
Natalo naman sila sa world no. 18 South Korea sa semis ng naturang tournament. //MHEL PACIA-TRINIDAD
