Aprub na kay Pangulong Bongbong Marcos ang proposed National Expenditure Program o ang national budget para sa taong 2025.
Sa 17th Cabinet meeting kaninang umaga sa Palasyo ng Malacañang, inaprobahan ng Pangulo ang 6.3 trillion pesos na budget na iprinisenta ng Department of Budget and Management.
Prayoridad sa pondo ang para sa food security, social protection, healthcare, housing, disaster resilience, infrastructure, digital connectivity at energization.
Kabilang naman sa mga ahensya ng pamahalaan na makakakuha ng malaking alokasyon ay edukasyon, kabilang dito ang DepEd, SUCs, CHED, at TESDA.
Gayundin ang public works, health kabilang ang Philhealth, interior and local government at ang defense.
