Tuyo it programa nga “LIGTAS SUMVAC 2022” nga masunod ro ginapairal nga mga minimum health standard ag peace and order sa mga sikat nga tourist destinations sa bieog nga nasyun.
Dugang pa dikara , tuyo man it nasambitan nga programa nga maging mahilway ro pagbiyahe it mga bakasyunista kapin pa hay eapit eun eang ro Semana Santa.
Ginbida man ni P/Major Willian Aguirre it Aklan Police Provincial Office (APPO) nga mabuhay eun nga ginlunsar it PNP ro programa kung siin ginpahayag pa nana nga naging ‘best practice’ raya it teatapan.
Kaibahan it PNP ro tanan nga mga law enforcement unit ag Department of Tourism (DOT) agud masabat ro mga pangutanan ag reklamo it mga turista ag biyahero.
Mas pabaskugon man ro regular inspection ag ro implementasyon it maximum police visibility sa mga matawo nga lugar sa probinsiya./JIL B. LACSON
