MALAMPUSON ang gipahigayong duha ka adlaw nga workshop aron magmugna og mga pamaagi ug inisyatibo aron suportahan ang adbokasiya nga matuldokan ang pagkamubo ug kapobrehon sa daghang katawhan.
Segun pa ni Brigada Group Chairman-CEO Elmer V. Catulpos nga pinaagi sa pagtinabangay kauban ang mga stakeholder aron masulbad ang maong problema, makaangkon kita og maayong nasud ug haruhay nga kinabuhi sa matag usa.
Una nang gipunting ni Catulpos nga daghang mga Pilipino ang wala masayod sa peligro dala sa nagkataas nga ihap sa mga kabataan nga wala maayo ang pagtubo gumikan sa kakulang sa nutrisyon ug dala na usab sa mga socio- cultural factors.
Ang linear growth retardation o stunting, makonsidera matud pa nga ‘silent pandemic’ nga nagpadayun sa daghang katuigan bisan pa sa pagpaningkamot usab sa gobyerno. Gani, magpadayun matud pa usa ka ‘national problem’ kung dili tabangan ang gobyerno nga kini masulbad.
Ang management sa Brigada Group ang nakita ang dinaliang aksyon hinungdan gilusad ang two-day workshop aron matuldokan ang maong problema ug makaangkon og mahayag ug kalidad nga buwas damlag ang mga pamilyang Pilipino.
