Itugyan matud pa sa executive department sa Local Government Unit sa Cagayan de Oro ang paghimo og lakang kung dili masulbad sa Technical Working Group ug Bids Award Committee ang proseso sa pagpili sa private contractor nga mudumala sa waste management sa syudad.
Kini ang gibutyag ni City Council Committee on Environment Chairman Councilor Roger Abaday homan gikompirma nga padayon nga gisulbad ang post evaluation sa duha ka bidder nga mao ang Jomara Waste Venture ug Metro Waste Corporation homan nasab nga nag-expire ang contrata sa IPM.
Kahibaloan nga duha ka bidders wala mipasar sa term of preference sa TWG ug BAC homan wala mihaom ang ilang gikinahanglan aron makabaton ang syudad sa maayong tigdumala sa basura sa syudad.
Samtang walay pay pinal nga desisyon kung kinsay hatagan sa award sa duha ka bidders, mihimo sa contigency plan ang buhatan ni City
Mayor Rolando Uy diin gipagamit karon ang mga sakyanan sa mga barangay aron maoy mukuha sa mga basura nga gakatag sa nagkadaiyang bahin sa syudad.
Kahibaloan nga daghan nang mga residente karon sa nagkadaiyang barangay sa syudad ang mipadayag sa ilang reklamo kalabot sa mga basura nga hangtod karon wala pa nakolekta.
