Naga pahaum sa makaron ru Aklan Inter-Agency Task Force (IATF) para sa possible nga re classification it probinsya’t Aklan matapos ru July 22.
Raya ru kaungdan it emergency online meeting kahapon July 20, 2021, kaibahan ru 17 ka mga municipal mayors ag iba pang partner agencies.
Katuyu-an it online meeting nga maestoruyahan ru restrictive guidelines ingkasong mai-reclassify ru probinsya’t Aklan it National IATF.
Sa pina kaulihing data hay naga pakita nga ru probinsya hay naga padayon ru pag dinugang it kaso’t COVID19 umpisa ku nag taliwan nga Domingo ag makabig nga ru Aklan hay gin paidaeom sa high-risk areas.
Bangud kara, ru provincial IATF hay naga expekta nga mai-re-classified sa MECQ or Modified Enhanced Community Quarantine it National IATF.
Base sa datos it Aklan PESU ku July 19, ru probinsya hay may una eon nga dugang nga 144 cases it COVID19.
Ru municipalidad it Lezo hay gin paidaeom sa critical area samtang ru municipalidad it Banga, Buruanga, Ibajay, Kalibo, Numancia hay gin paidaeom sa high risk areas.
Sa idaeom it MECQ, matabo ru mga limitasyon it hueag sa kada municipalidad ag mahimo nga ma implementar ru skeletal workforce scheme sa mga opisina.//MARIVIC Y. ILIN
