Nagdangat sa 124 nga kaso sang Dengue ang nabalhag sa probinsya sang Capiz subong nga tuig.
Ini ang ginpahayag ni Mr. Joeffrey Espiritu, Development Officer VI kag tagpamaba sang DOH-Capiz sang ma-interview sang Brigada News FM.
Suno kay Espiritu, kun ikumparar sa nagligad nga datos, nagtaas subong ang numero sang dengue kun sa diin sa banwa sang Tapaz ang nakabalhag sang 51 ka kaso.
Nagapangaduwa dire ang syudad sang Roxas nga may yara sang 15, Dumalag, Pontevedra, kag Panit-an nakabalhag sang tig-7, sa banwa sang Dumarao 6, banwa sang Pilar, Mambusao kag Jamindan may yara sa tig-5, ang banwa sang Cuarteto, Ivisan, kag Panay nakabalhag sang tig-3, Pres. Roxas, Dao kag Sigma nakabalhag sang tig-2, samtang ang Sapian ang may yara sang isa ka kaso sang dengue.
Nagapabilin ang banwa sang Maayon nga wala sang kaso sang Dengue base sa monitoring sang DOH subong nga bulan sang Marso.
Sa karon, padayon gid ang kampanya sang DOH-Capiz natuhoy sa kun paano malikawan ang nasambit nga balatian. | Judy Ann Juare
